Multi-Service Access Node(MSAN) كباين

نبذه مختصره عن كباين ال MSAN

ال MSAN  هي اختصار ل Multi-Service Access Node

هي عباره عن سنترال صغير موجود في المنطقة.. وبيبقي في اكتر من واحده علي حسب حجم المنطقة وعدد المستخدمين اللي فيها.

  وتستخدم للتوصيل بين كابلات الفايبر اللي في السنترال الرئيسي والكابلات النحاسية الموصلة للبيوت والمصانع والشركات عشان

توفرلهم خدمه التليفون الارضي  PSTN واللي هي اختصار ل  (Public Switched Telephone Network) وخدمات الانترنت وكمان خدمات الفاكس..

زي ما قولنا ان ممكن يكون في اكتر من كابينه في نفس المنطقة علي حسب عدد المشتركين او المستخدمين.. وكمان للمعلومة كل موديل من الكباين دي بيقدر يشيل عدد معين من ال  Users مش كل الكباين زي بعضها.. وأشهر انواع الكبائن Huawei- ZTE- Alcatel- Nokia-

طيب لو ال Users محتاجين سرعات اعلي وخدمات اسرع واقوي.. ساعتها مش بيتم توصيل ال  MSAN مع كابلات نحاس.. ولكن بيتم توصيلها مع كابلات فايبر اخري.. وهو دا اللي معروف باسم  FTTHوهي اختصار (Fiber To The Home)

عيوب كبائن ال MSAN

من عيوب كبائن ال MSAN انها تتأثر بالعوامل المناخية المحيطة بيها زي الحرارة

 والرطوبة والامطار وكمان بتدخل جواها تراب كتير رغم وجود فلاتر ودا لأنها

 موجوده في الشوارع.. وبرده بتتعرض لسرقات كتير عشان مش بيبقي عليها حمايه

 كافيه لان زي ما قولنا موجوده في الشوارع.. ومش بتبقي جوه سور او مبني مثلا..

 مع الاخذ في الاعتبار ان في كباين بتبقي جوه مبني عادي علي حسب الحاجه.. ولكن

 المعظم بيبقي في الشوارع..

كباين MSAN باختلاف موديلاتها الا انها بتحتوي علي...

دخل كهرباء AC وبيبقي في لوحه كهربا جانب الكابينة وفيها عداد كهربي وفيوز حمايه و C.B اللي بتوصل عليه الكهرباء..

عشان كهرباء DC  اللي بتغذي الكروت اللي في الكابينة..

بطاريات اللي بشغل الكابينة في حاله انقطاع التيار الكهربي المغذي للكابينة..

مراوح داخليه وخارجيه للتبريد..

فلاتر داخليه وخارجيه لتنقيه الهواء الداخل من الأتربة..

كارت باور اللي بتوزع الكهرباء للكروت اللي موجوده في الكابينة والكروت المتحكمة في تشغيل المراوح وسرعه دورانها..

كروت للربط مع المشتركين..

كروت لحفظ بيانات المشتركين..

كروت للتحكم في سرعه وجوده الخدمات..

 انواع الكابلات للربط مع المشتركين:

كابلات فايبر وكابلات نحاس للربط مع المشتركين..

في كمان  ODF  و MDF  و DDF  وهي اختصار..

 (Optical Distribution Frame)

(Main Distribution Frame)

(Digital Distribution Frame)

حساسات مختلفة زي ال Door.. Fire. High Temperature. Rectifier Major  وهكذا.

وكل دا طبعا بيقدر ال  Supervision  بتاع السنترال يتحكم فيه ويشوف مستوي الخدمة والاعطال الموجودة..

دي حاجه بسيطة ومعلومات سريعة حبيت اشارككم بيها 

ولكم جزيل الشكر ......

💓💓💓💓💓💓💓💓💓💓💓💓💓💓💓💓💓💓💓💓💓💓💓💓💓💓💓💓💓💓💓💓